Хүнс, хөдөө аж ахуй, хөнгөн үйлдвэрийн сайд, Орхон аймгийн Засаг дарга, Жижиг, дунд үйлдвэрийн газрын дарга нарын хамтран ажиллах гэрээний дагуу Орхон аймгийн жижиг, дунд үйлдвэр эрхлэгчдийг дэмжих зорилгоор 800.0 сая төгрөгийн хөнгөлөлттэй зээлийн эх үүсвэр батлагдлаа.
Засгийн газрын 2020 оны 113 дугаар тогтоолоор батлагдсан “Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам”-ын дагуу жижиг, дунд үйлдвэр, үйлчилгээ эрхлэгчийн төслийг хүлээн авах үйл ажиллагааг 2024 оны 08 дугаар сарын 13-ны өдрөөс эхлэн 30 хоногийн хугацаанд Орхон аймгийн ХХААГ-т цахимаар авч эхэллээ.
ХХААХҮ-ийн сайдын 2024 оны А/28 дугаар тушаалаар батлагдсан 21 салбар, чиглэлд 5 жилийн хугацаатай, жилийн 3 хувийн хүүтэй, үндсэн төлбөрөөс 1 жил хүртэл чөлөөлөх нөхцөлтэйгөөр олгоно.
Төсөл хүлээн авах хугацаа:
Эхлэх: 2024 оны 08 дугаар сарын 13-ны өдрийн 12:00 цагаас
Дуусах: 2024 оны 09 дүгээр сарын 12-ны өдрийн 12:00 цаг хүртэл
Төслийн материалыг зөвхөн www.sme.gov.mn цахимаар хүлээн авна.
Хөнгөлөлттэй зээлийн нөхцөл:
Зээлийн зориулалт:Үндсэн хөрөнгө оруулалт
Зээлийн хугацаа: 5 хүртэл жил
Зээлийн үндсэн төлбөрөөс чөлөөлөгдөх хугацаа:12 хүртэл сар
Зээлийн хүү: 3 хувь
