2024 оны эхэнд аймгийн хэмжээнд бэлчээрийн зориулалтай 82 худаг байгаагаас 79 худаг хэвийн ажиллаж, ашиглалт 96.3 хувьтай байна. Жаргалант суманд ашиглагдахгүй байгаа 3 худгийн 1-ийг нь актлуулах хүсэлт илгээж, 1 худгийг малчид өөрийн хөрөнгөөр засварласан. Худгийн ундарга муудсан 1 худгийг гүйцэтгэгч “Далайн эрхэс констракшн” ХХК-аар засварлуулах хүсэлт хүргүүлсэн. 2024 оны 10 дугаар сарын 10-ны дотор ашиглалтад оруулахаар ажиллаж байна.
Энэ онд бэлчээрийн усан хангамжийг нэмэгдүүлэх зорилгоор орон нутгийн төсвийн хөрөнгө оруулалтаар 1 худаг шинээр гаргах ажлыг “Таширын хүрээ” ХХК 62.0 сая төгрөгөөр гүйцэтгэж байна. Баян-Өндөр сумын Малчин багийн Цохионы өвөрт 1 худаг шинээр гаргаснаар 12 өрхийн 1500 толгой мал усаар хангагдах боломжтой.
