Хүнс хөдөө аж ахуйн газар | Орхон аймаг

Portfolio Category: Хүнс

Хүнс хөдөө аж ахуйн газар | Орхон аймагХүнс
0 Comments
Admin

200 тонн нөөцийн мах бэлтгэн нийлүүлэв

     Хүнсний тухай хуулийн 6.3 дахь заалт, Монгол Улсын Засгийн газрын 2023 оны 09 сарын 13-ны өдрийн 344 дугаар “Журам батлах тухай” тогтоол,  Монгол Улсын Засгийн газрын 2023 оны 07 сарын 19-ний өдрийн 279 дүгээр “Хөдөө аж ахуйн салбарын 2023-2024 оны өвөлжилт, хаваржилтын бэлтгэл ажлыг хангах зарим арга хэмжээний тухай” тогтоолын 2.5 дахь заалтын хэрэгжилтийг хангах зорилгоор Ажлын хэсгээс аймгийн хүн амын 2024 оны хаврын махны нөөц бүрдүүлэх тухай танилцуулгыг аймгийн Засаг даргын зөвлөлийн хуралдаанд оруулан хэлэлцүүлж, тус хурлаас хаврын нөөцөд 200 тонн мах бэлтгэн нийлүүлэх, нийлүүлсэн 1 кг маханд 3100 төгрөгийн урамшууллыг олгохоор шийдвэрлэсэн.

     Үүний дагуу хаврын хэрэгцээт махны 21.6 хувь буюу 200 тонн махыг бэлтгэн, хадгалах, борлуулах үйл ажиллагааг хэрэгжүүлэх гэрээг аймгийн Засаг даргын тамгын газраас махны төрөл бүрд хамгийн доод үнийн санал ирүүлсэн Эрдмийт ХХК, Жаргалант мах импекс ХХК-уудтай байгуулж, 2024 оны 03 дугаар сарын 15-ны өдрөөс эхлэн 06 дугаар сарын 10-ны өдрийг хүртэл хугацаанд 1 кг ангилан савласан үхрийн мах 9000 төгрөг, хонины мах 6400 төгрөг, ямааны мах 4900 төгрөгөөр борлуулсан.

0 Comments
Admin

Аж ахуйн нэгжид сургалт зохион байгууллаа



     Орхон аймагт хүнсний үйлдвэрлэл эрхэлдэг 175 аж ахуйн нэгж, цех, худалдаа үйлчилгээний 210 дэлгүүр, хоол үйлдвэрлэлийн 100 газарт, нийт 485 иргэн, аж ахуйн нэгжид 8 төрлийн сургалтыг хүнсний бүтээгдэхүүний аюулгүй байдлыг хангах, хууль, стандартын хэрэгжилтийг биелүүлэх, үйлдвэрийн байрны ариутгал цэвэрлэгээг зөв хийх, хяналт шалгалтын чиглэлээр зохион байгууллаа.  

     Сургалтад хамрагдсанаар тус газруудад илэрдэг зөрчил 30 хувиар буурсан байна.

0 Comments
Admin

Урьдчилан сэргийлэх хяналт шалгалт хийлээ

     Урьдчилан сэргийлэх хяналт шалгалтын сарын аяны хүрээнд хяналт шалгалтыг 54 аж ахуйн нэгж, 74 цех нийт 128 газрыг хамруулан ажиллаа.  Хяналт шалгалтын явцад 418 зөрчлийг илрүүлэн 275 (66%)-ийг арилгуулан ажиллав. 

     Хүнсний сүлжээний үе шат бүрд хэрэгжүүлэх зохистой дадал, дотоод хяналтын хэрэгжилт, хүнсний түүхий эд, бүтээгдэхүүний гарал үүсэл, чанар, аюулгүй байдлын баталгаажилт болон хүнсний аюулгүй байдлын талаар 658 заалт бүхий 80 зөвлөмж гарган хүргүүлсэн.

      34 аж ахуйн нэгж, 153 иргэдэд мэргэжил арга зүйн зөвлөгөө өгч, хүнсний чиглэлийн 5 төрлийн 94 ширхэг гарын авлага тарааж ажиллаа.

0 Comments
Admin

“УЛСЫН АВАРГА ТОГООЧ”

     Аймгийн Засаг даргын 2024 оны 04 дүгээр сарын 05-ны өдрийн А/245 дугаар захирамжаар Монгол үндэсний болон орон нутгийн онцлогтой уламжлалт хоол, идээ ундааг нийтэд сурталчлан таниулж, уламжлал ба инновац түгээн дэлгэрүүлж, салбарын ажилтан ажиллагсдын чадамж, ур чадварыг дээшлүүлэх, туршлага солилцуулах зорилгоор Монгол үндэсний хоол, идээ ундааны “Улсын аварга тогооч” шалгаруулах анхдугаар уралдаан болон Монголын хоол үйлдвэрлэл, үйлчилгээний салбарын ажиллагсдын спортын анхдугаар наадмыг 2024 оны 04 дүгээр сарын 19-ний өдрөөс 21-ний өдрүүдэд “Эрдэнэт үйлдвэр” ТӨҮГ-ын Спорт цогцолбор “Хангарьд ордон”-д аймгийн Засаг даргын тамгын газар, Монголын Тогооч нарын холбоо, Орхон аймгийн Тогоочдын холбоо, “Эрдэнэт үйлдвэр” ТӨҮГ-тай хамтран зохион байгууллаа.